“Милан” ярим ҳимоячиси ёзда “Барселона”га ўтиши мумкин

 

“Милан”нинг 25 ёшли ярим ҳимоячиси Франк Кесе фаолиятини Испания чемпионатида давом эттириши айтилмоқда. “Барселона” африкалик футболчининг хизматларига қизиқиш билдирмоқда. Бу ҳақда “Marca” нашри хабар берди.

 

Манбага кўра, томонлар келишувга яқин. Кот-дъИвуарлик футболчи билан шартнома имзоланиши билан каталонияликлар ярим ҳимоя чизиғини кучайтиришни ўйламоқда. “Барса” Кессиерни 33 ёшли Серхио Бускетсга ўринбосар сифатида кўрмоқда.

 

Кессиернинг “Милан” билан шартномаси кейинги ёзда якунига етади. Томонлар аввалроқ шартномани узайтириш борасида келиша олмаганди. Сабаби Франк клуб таклиф қилаётган шартлардан қониқмаяпти. Шунга кўра, футболчи янги жамоага эркин агент сифатида қўшилиши мумкин.

 

Эслатиб ўтамиз, жорий мавсумда Кессиер Италия А Сериясида “Милан” сафида 17 та ўйинда майдонга тушди ва 5 та гол урди. Шунингдек, у Чемпионлар лигасида 5 ўйинда битта голли узатмани амалга оширди.

 

Аввалроқ, Месси собиқ жамоадоши ҳақида фикр билдиргани ва Дракслер “ПСЖ” учун кераксиз футболчига айлангани ҳақида хабар берилганди.

 

Жамшидбек Амиров