“Chelsi” va “Barselona” kelasi yozda De Ligt uchun kurashmoqchi
“Yuventus” himoyachisi Matteys de Ligt yozgi transfer oynasida klubini o‘zgartirmoqchi.
22 yoshli gollandiyalik futbolchiga Londonning “Chelsi” va Kataloniyaning “Barselona” klublari daʼvogarlik qilmoqda. Bu haqda “Calciomercato” nashri xabar berdi.
Manbaga ko‘ra, agar “Yuventus” De Ligtning agenti bilan shartnomani uzaytirishga rozi bo‘lmasa, uni sotish imkoniyatini ko‘rib chiqadi. Matteys va "keksa sinyora" o‘rtasidagi amaldagi kelishuv 2024-yilgacha mo‘ljallangan.
“Barselona” De Ligt uchun 75 million yevro taklif qilmoqchi. “Aristokratlar” bosh murabbiyi Tomas Tuxel o‘z jamoasining himoyasini kuchaytirishga intilayotgani sababli, “Chelsi” bu so‘mmani to‘lashga harakat qiladi.
Eslatib o‘tamiz, De Ligt “Yuventus”ga 2019-yilning yozida “Ayaks”dan 85,5 million yevro evaziga o‘tgan edi. Joriy mavsumda gollandiyalik himoyachi Italiya chempionatining 20 ta o‘yinida bitta gol urdi. Transfermarkt De Ligtning narxini 65 million yevroga baholagan.
Avvalroq, “Tottenhem” klubida koronavirus tarqalgani va “Yuventus” Sakani nishonga olgani haqida xabar berilgandi.
Jamshidbek Amirov
