Qozog‘istondagi tartibsizliklardan so‘ng 14 nafar o‘zbek fuqarosi hibsga olingan
Mazkur holat bo‘yicha O‘zbekiston elchixonasi Qozog‘iston TIVga nota yubordi.
Qozog‘istonda yanvar oyida yuz bergan ommaviy tartibsizliklardan so‘ng 18 nafar xorijlik fuqaro hibsga olingani haqida Respublikaning inson huquqlari bo‘yicha ombudsmani Elvira Azimova ma’lumot berdi. Shuningdek, hibsga olinganlarning 14 nafari o‘zbeklar ekani aytib o‘tilgan.
Mazkur xabarga oydinlik kiritish maqsadida O‘zbekistonning Nur-Sulton shahridagi Elchixonasi Qozog‘iston Tashqi ishlar vazirligiga hibsga olingan O‘zbekiston fuqarolari, ular saqlanayotgan joylar, javobgarlikka tortilish sabablari to‘g‘risida to‘liq ma’lumot berish hamda O‘zbekiston Respublikasining Qozog‘iston Respublikasidagi diplomatik vakolatxonalari xodimlari uchun konsullik uchrashuvini tashkil etishni so‘rab tegishli nota yuborgan.
