“U faoliyatimdagi eng buyuk murabbiylardan biri”
Braziliyalik Ronaldo Karlo Anchelotti bilan uchrashdi.
Realning sobiq hujumchisi Ronaldo o‘zining Instagram sahifasida “Qirollik klubi” bosh murabbiyi Karlo Anchelotti bilan tushgan suratini joylashtirdi.
“Karlo Anchelotti faoliyatimdagi eng buyuk murabbiylardan biri. Sizni ko‘rganimdan xursandman, janob”, - deb yozgan Ronaldo izohga.
Eslatib o‘tamiz, braziliyalik futbolchi “Milan” safida Karlo Anchelotti murabbiyligi davrida to‘p surgan. Ronaldo 2007-yildan 2008-yilga qadar Italiya klubida o‘ynagan va 20 ta o‘yinda 9 ta gol urgan.
Maʼlumot o‘rnida: Ronaldo 2011 yilda faoliyatini yakunladi. U “Milan”dan tashqari “Kruzeyro”, “PSV”, “Barselona”, “Inter”, “Real” va “Korintians" klublarida o‘ynagan. Braziliya terma jamoasi safida ikki bor jahon chempionligini qo‘lga kiritgan.
Avvalroq, Anchelotti David Luizni “Real”ga taklif qilgani va Bekobodda “Real Madrid” futbol akademiyasi ochilgani haqida xabar berilgandi.
Jamshidbek Amirov
