Toshkent viloyatida “Lacetti” haydovchisi piyodani urib yubordi
Hodisa oqibatda bir kishi tan jarohati olib shifoxonaga yetkazilgan.
Kecha, 28-fevral kuni Parkent tumanida 26 yoshli haydovchi boshqaruvidagi “Lacetti” avtomobili YTHga uchragan. Ma’lum qilinishicha, haydovchi tezlikni oshirishi oqibatida boshqaruvni yo‘qotib, yo‘l chetida ketayotgan piyodani urib yuborgan va transport vositasi ag‘darilib ketgan.
Hodisa oqibatida 20 yoshli piyoda tan jarohati bilan shifoxonaga olib ketilgan.
Hozirda holat yuzasidan tuman IIB tomonidan tergovoldi surishtiruv harakatlari olib borilmoqda.
Avvalroq Toshkentda “Matiz” haydovchisi 3 nafar piyodani urib yuborgani xabar qilingandi.
Javohirbek TURSUNOV
