“Uzbekistan airways” Rossiyaning ayrim shaharlariga parvozni to’xtatdi
Bekor qilingan reyslar uchun olingan chiptalar almashtirib beriladi.
Ma’lum qilishicha, Rossiya Federatsiyasida havo hududining bir qismi yopilishi bilan bogʻliq cheklov sabab “Toshkent – Krasnodar – Toshkent”, “Toshkent – Rostov-na-Donu – Toshkent”, “Namangan – Krosnadar – Namangan” yoʻnalishlari boʻyicha qatnovi toʻxtatilgan.
Bekor qilingan yo’nalishdagi parvozlar Sochi shahriga amalga oshiriladi va 3-martdan 26-martgacha “Oʻzbekiston – Sochi – Oʻzbekiston” yoʻnalishida qoʻshimcha aviaqatnovlar yo’lga qo’yiladi.
Aviakompaniyaning xabar qilishicha, yoʻlovchilar aeroportlarga belgilangan vaqtdan oldinroq kelishlari kerak. Krasnodar va Rostov-na-Donu yo’nalishida avval bekor boʻlgan parvozlar yoʻlovchilari aviachiptalarining toʻliq qiymatini chipta sotib olingan joyda qaytarib olishlari yoki 2022-yil 3-martdan boshlab har qanday boʻsh sanaga bepul qayta bronlashi mumkin.
