Chet eldan baxtini topgan yulduzlar

 

Xonanda va aktrisa Kamola Arslonova Turkiyaga qilgan sayohati davomida Mesut ismli yigitni uchratadi. Ularning to‘yi 2014-yilda bo‘lib o‘tadi. Hozirda ularning Axsin ismli qizi bor. Kamola milliy telekanallarimiz orqali efirga uzatilgan “Opa-singillar” serialida kichik singil roli orqali mashhurlikka erishgan.

 

Teleboshlovchi Dilnoza Saidova 2019-yilda Turkiya davlatining fuqarosiga turmush chiqqan. U o‘zining Instagram sahifasida quyidagicha izoh qoldirgan: “Muvaffaqiyatli ka’reradan oilasi uchun voz kechgan teleboshlovchi”.

 

Navbatdagi kelin ham o‘zbek kinosi va seriallarida o‘z muxlislariga ega bo‘lgan aktrisa Nargiza Salmonovadir. U 2018-yilning avgust oyida Emrah Sayan ismli yigit bilan oila qurgan. Ularning to‘ylari Istanbulda joylashgan Bosfor dengizida bo‘lib o‘tgan.

 

“Sarvinoz” va “Yodgor” filmlari orqali mashhurlikka erishgan aktrisa Kamola Umarxo‘jayeva 2004-yil ta’lim olish maqsadida okean ortiga jo‘nab ketgan va o‘sha yerda o‘z baxtini topadi. Aktrisa 14 yildan buyon AQSHda istiqomat qiladi va uning 3 nafar o‘g‘li va 1 ta qizi bor.

 

Mahoratli aktrisa Dildora Hoshimova “koreyalik kelin” roli orqali barchaga tanish. U Koreyaning Pusan shahriga turmushga chiqqan. Hozirgi kunda uning Son Dason ismli qiz farzandi bor. Dildora xorijda ham o‘z ijodini davom ettirgan holda o‘zbek seriallarida ham suratga tushadi. Bundan tashqari, Janubiy Koreya telekanalida teleboshlovchi sifatida faoliyat olib boradi.