Neymar va Ramos “PSJ”ni tark etishni rejalashtirmoqda
Ular parijlik ishqibozlardan norozi.
“PSJ” futbolchilari Neymar va Serxio Ramos Parijdan ketishni istamoqda. Bu haqda “AS” nashri xabar berdi.
Manbaga ko‘ra, futbolchilar Liga 1 28-turidan o‘rin olgan “Bordo”ga qarshi o‘yinda parijlik muxlislarning xulq-atvoridan ranjishgan. Bu vaqtda ishqibozlar “PSJ”ning argentinalik hujumchisi Lionel Messini ham haqoratlashgan.
Eslatib o‘tamiz, Neymar 2018-yilda “Barselona” klubidan “PSJ”ga 222 million funt sterling evaziga o‘tgan edi. Futbolchi joriy mavsum parijliklar safida barcha turnirlarda 20 ta o‘yinda maydonga tushib, 5 ta gol urdi va yana shuncha golli uzatmaga mualliflik qildi. Ramos esa o‘tgan yili erkin agent sifatida parijliklar safiga qo‘shilgan edi.
Avvalroq, “PSJ” Messining maoshi haqidagi mish-mishlarni rad etgani haqida xabar berilgandi.
Jamshidbek Amirov
