Neymar “Nyukasl”ga o‘tishi mumkin
Hujumchi “PSJ”ni tark etadi.
“PSJ”ning braziliyalik hujumchisi Neymar faoliyatini “Nyukasl Yunayted”da davom ettirishi mumkin. Bu haqda “Sky Sports” nashri ispan manbalariga tayanib xabar berdi.
Manbaga ko‘ra, hujumchi fransuz klubini tark etish haqida o‘ylamoqda. Hamda shu yozda “Nyukasl” klubiga o‘tishi mumkinligini maʼlum qilgan. Avvalroq “PSJ” rahbariyati Neymarni “Barselona”ga sotishni rejalashtirayotgani haqida xabar tarqalgandi. Klub braziliyalik futbolchiga yaxshi taklif tushsa, uni olib qolish niyatida emas.
Eslatib o‘tamiz, Neymar 2018-yilda “Barselona”dan 222 million funt sterling evaziga “PSJ”ga o‘tgan edi. O‘sha paytda futbol tarixidagi eng qimmat transferga aylangandi. Neymar joriy mavsumda Liga 1'da 14 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
Avvalroq, Lionel Messi koronavirus yuqtirib olgani va Pele yana kasalxonaga yotqizilgani haqida xabar berilgandi.
Jamshidbek Amirov
