Tanzila Norboyeva TDT Oqsoqollar kengashi bilan uchrashdi
Muloqot chog‘ida O‘zbekiston va Turkiy davlatlar tashkiloti o‘rtasidagi ko‘p qirrali munosabatlarning bugungi holati va istiqbollari muhokama etilgan.
23 mart kuni Toshkent xalqaro investitsiya forumida ishtirok etish uchun O‘zbekistonga kelgan Turkiy davlatlar tashkiloti (TDT) Oqsoqollar kengashi raisi Binali Yildirim va Tanzila Narbayeva o‘rtasida uchrashuv bo‘lib o‘tdi.
Suhbat chog‘ida Turkiy davlatlar tashkiloti oldida turgan vazifalarini amalga oshirishda parlament aʼzolarining rolini kuchaytirish muhimligi ham eʼtibor qaratildi. Bu haqda Oliy Majlis Senatining axborot xizmati xabar berdi.
Senat Raisi mehmonlarni qutlar ekan, TDT va Turkiyaning nufuzli delegatsiyasining mazkur tadbirda ishtirok etishi O‘zbekiston bilan ko‘p qirrali munosabatlarni yana-da izchil rivojlantirishga va hamkorlikni chuqurlashtirishga xizmat qilishiga ishonch bildirgan.
Binali Yildirim O‘zbekiston Respublikasi Prezidenti rahbarligida mamlakatda so‘nggi olti yil mobaynida amalga oshirilayotgan islohotlarning natijalarini ko‘rishdan baxtiyor ekanligini izhor etgani aytiladi.
