Toshkentda 5 ta avtomobil to‘qnashuvi sodir bo‘ldi
Hodisaga avtomashinalarning oraliq masofaga rioya qilmasligi sabab bo‘lgan.
Ijtimoiy tarmoqda 5 ta avtomobil ishtirokida YTH sodir bo‘lgani aks etgan videolavha tarqaldi. Holat yuzasidan YHXBB rasmiy izoh berdi.
Ma’lum qilinishicha, hodisa bugun, 25-mart kuni poytaxtning Yunusobod tumani “Ahmad Donish” ko‘chasidagi avtomobil ko‘prigida ro‘y bergan. To‘qnashuvga avtotransport vositalarining oraliq masofani saqlamay harakatlanishi sabab bo‘lgan.
YTHda “Neksiya–2”, “Neksiya–3”, “Captiva”, “Spark” va “VAZ–11184” rusumli avtomashinalar oldinma-ketin to‘qnashgan.
Hodisa oqibatida hech kim tan jarohati olmagan. Holat yuzasidan tegishli idora vakillari surishtiruv olib bormoqda.
Avvalroq Yunusobod tumanida “Lacetti” haydovchisi piyodani urib yuborgani xabar qilingandi.
Javohirbek TURSUNOV
