“Uzbekistan airways”da yangi yo‘nalish ochildi
30-martdan boshlab Namangandan Olmaotaga aviareyslar yo‘lga qo‘yiladi.
Aviakompaniya matbuot xizmatining ma’lum qilishicha, 2022-yil 30-martdan boshlab “Sharqiy” xab loyihasi doirasida “Uzbekistan Airways” AJ Namangan – Olmaota – Namangan yangi xalqaro yo‘nalishi bo‘yicha muntazam aviaqatnovlarni yo‘lga qo‘yadi. Parvozlar haftada ikki marta chorshanba va shanba kunlari amalga oshiriladi.
Yo‘lovchilar chiptalarni aviakompaniyaning rasmiy saytidan, “Uzbekistan Airways Sales” filialidan yoki aviakompaniya agentlaridan xarid qilib olish mumkin.
Avvalroq "Uzbekistan Airports" xorijiy aviakompaniyalar uchun tariflarni pasaytirgani xabar qilingandi.
