Putin gaz masalasida Makronga shart qo‘ydi
Bugun ikki davlat rahbari o‘rtasida navbatdagi telefon muloqot bo‘lib o‘tdi.
Suhbat davomida Ukraina atrofidagi vaziyat rivojlanishining dolzarb jihatlari bo‘yicha fikr almashilgan va gumanitar masalalarga alohida e’tibor qaratilgan.
Putin tinch aholining xavfsiz evakuatsiya qilinishini ta’minlash yuzasidan Rossiya harbiylari tomonidan ko‘rilayotgan chora-tadbirlar haqida batafsil ma’lumot bergan.
Shuningdek, muloqotda Rossiya gazini Yevropa mamlakatlariga yetkazib berish masalasiga ham to‘xtalib o‘tilgan.
“Rossiyadan Yevropa Ittifoqi mamlakatlariga tabiiy gaz yetkazib berish uchun to‘lovni rus rublida o‘tkazish to‘g‘risidagi qaror bilan bog‘liq masalalar ko‘rib chiqildi”, deyiladi matbuot xizmati xabarida.
Qayd etilishicha, bu qaror aloqalar uzaytirilishi sharti bilan amalga oshiriladi.
