Namanganda 6 kishi avtohalokatga uchradi
Hodisaga haydovchilardan birining harakat xavfsizligiga rioya qilmagani sabab bo‘lgan.
Kecha, 31-mart kuni soat 22.30 atrofida Namangan shahrining “Islom Karimov” ko‘chasida “Lacetti” va “Spark” avtomashinalari ishtirokida YTH sodir bo‘ldi. Bu haqda viloyat YHXB xabar berdi.
Ma’lum qilinishicha, “Namangan–To‘raqo‘rg‘on” yo‘nalishida harakatlanayotgan “Lacetti” haydovchisi quvib o‘tish qoidalariga amal qilmay, tezlikni oshirgan va o‘zi bilan bir yo‘lishda ketayotgan “Spark” avtomashinasining yo‘liga chiqib ketgan.
Hodisa oqibatida “Spark” avtotransport vositasi qarama-qarshi yo‘nalishni ikkiga ajratib turuvchi beton to‘siqqa chiqib, ustunga urilgan.
Qayd etilishicha, har ikki transport vositasida 2 nafardan yo‘lovchi bo‘lgan. Hech kim tan jarohati olmagan.
