Toshkent viloyatida yuk avtomobili ag‘darilib ketdi
Hodisa oqibatida yo‘lda tirbandlik yuzaga kelgan.
Ma’lum qilinishicha, voqea bugun, 1-aprel kuni soat 15.00 atrofida Chinoz tumanida sodir bo‘lgan. “Kamaz” haydovchisi M–39 avtomobil yo‘lining 846-kilometriga yetganda boshqaruvni yo‘qotgan va tirkama ag‘darilib ketgan.
Hodisa oqibatida haydovchiga birinchi tez tibbiy yordam ko‘rsatilgan.
Hozirda mazkur holat yuzasidan surishtiruv ishlari olib borilib, YTH sabab yuzaga kelgan tirbandlik bartaraf qilinmoqda.
Avvalroq “Qamchiq” dovonida yuk mashinasi yonib ketgani xabar qilingandi.
