Vladimir Putin Zelenskiy bilan uchrashadimi?
Rossiya Prezidenti matbuot kotibi ikki davlat rahbarlari qachon muzokara o’tkazishlari mumkinligini aytdi.
Rossiya Vladimir Putin va Zelenskiy o‘rtasida uchrashuv o‘tkazish imkoniyatini istisno etmaydi. Bu haqda Prezident matbuot kotibi Dmitriy Peskov ma’lum qildi.
“Biz uchun hech narsa o'zgarmadi. Biz prezidentimizning uchrashuvi ehtimolini rad etmaymiz”, dedi Peskov jurnalistlarga.
U Zelenskiyning, ehtimol, bu uchrashuv bo‘lib o‘tmasligi haqidagi bayonotini shunday izohladi.
“Ammo biz yana bir bor takror aytamizki, bunday uchrashuv faqat hujjat matni kelishilganidan keyingina mumkin bo‘ladi”, degan matbuot kotibi.
Shuningdek, u Rossiya tomoni Ukraina bilan muzokaralar jarayoni haqida maʼlumot bermaslikni maʼqul koʻrishini maʼlum qildi.
