Xitoyda vaziyat jiddiy
Mamlakatda taʼlim muassasalari va bog‘chalar yopildi.
Xitoy janubidagi Guandun provinsiyasining Guanchjou shahrida maktablar dushanba kunidan boshlab yopiladi. Ushbu cheklovlar koronavirus tarqalishining oldini olish maqsadida qabul qilingan.
«11 apreldan boshlab Xitoy poytaxtidagi boshlang‘ich va o‘rta maktab o‘quvchilari masofaviy taʼlimni boshlaydi», — deyiladi mahalliy hokimiyat xabarida.
Bundan tashqari, shahardagi maktabdan tashqari taʼlim muassasalarida kunduzgi sinflar tashkil etilmagan. Oliy taʼlim muassasalari yopiq boshqaruv rejimiga o‘tkazilmoqda. Bolalar bog‘chalariga qabul qilinmaydi. Maʼmuriyat mahalliy aholini Guanchjouni zaruratsiz tark etmaslikka chaqirmoqda. O‘tgan dam olish kunlari poytaxtda aholini kovidga tekshirish bo‘yicha ommaviy shahar kampaniyasi boshlandi.
Dushanba holatiga ko‘ra, 19 milliondan ortiq kishi PZR testidan o‘tgan. Rasmiy maʼlumotlarga ko‘ra, o‘tgan sutka davomida Guanchjouda 22 ta koronavirus yuqtirish holati aniqlangan. Megapolis hukumati COVID-19 bilan kasallangan bemorlar uchun vaqtinchalik shifoxona qurishni boshladi.
Avvalroq Xitoyda koronarekord yangilangani to‘g‘risida xabar berilgandi.
