“Barsa”ga hujumchi juda zarur
Kataloniyaliklar Levandovski uchun 40 million yevro to‘lamoqchi.
Ispaniyaning “Barselona” klubi “Bavariya” hujumchisi Robert Levandovskining jamoaga transferini 30 million yevroga baholamoqda. Bu haqda “Goal” nashri xabar berdi.
Oldinroq, Kataloniya klubi polshalik futbolchini sotib olishga jiddiy kirishgani va unga yiliga soliqlar tashqari 40 million yevroga yaqin pul to‘lashga tayyorligi xabar qilingandi. Qayd etilishicha, “Barselona” hali “Bavariya” bilan transfer bo‘yicha kelishib olgani yo‘q.
Maʼlumot o‘rnida: 33 yoshli Levandovski nemis jamoasiga 2014 yilda kelib qo‘shilgan edi. Joriy mavsumda hujumchi barcha turnirlar doirasida 40 ta o‘yinda maydonga tushib, 46 ta gol urdi va 4 ta golli uzatmani amalga oshirdi. Levandovskining klub bilan shartnomasi 2023 yilda yakuniga etadi.
Avvalroq, Holandning holati haqida maʼlumot berilgani va Levandovski yangi rekord o‘rnatgani haqida xabar berilgandi.
Jamshidbek Amirov
