Levandovski hali myunxenliklarga kerak

 

 

“Bavariya” prezidenti Gerbert Xayner myunxenliklar hujumchisi Robert Levandovskining klubdagi kelajagi haqida fikr bildirdi.

 

“Robert Levandovskining kelajagi haqida nima deya olaman? Avvalo, uning shartnomasi 2023 yilgacha mo‘ljallanganligini taʼkidlash lozim. Biz doimo Robertni juda qadrlashimizni taʼkidlaymiz: u dunyoning eng yaxshi o‘yinchilaridan biri va uning tarkibda bo‘lishi biz uchun katta ustunlik beradi. Klub rahbariyati u bilan doimiy aloqada. Biz Levandovski bilan muzokaralarda chalg‘itishimizga yo‘l qo‘ymasligimiz kerak, muzokaralar holati haqida doimiy ravishda OAVga xabar berib turishimiz shart emas. Eʼlon qiladigan narsa bo‘lishi bilan biz buni qilamiz ", - deya “Bild” nashri Xaynerning so‘zlaridan iqtibos keltirdi.

 

Eslatib o‘tamiz, 33 yoshli Levandovski 2014 yilda “Bavariya”ga o‘tgan edi. Joriy mavsumda hujumchi barcha turnirlar doirasida 41 ta o‘yinda maydonga tushib, 47 ta gol urdi va 4 ta golli uzatmani amalga oshirdi.

 

Avvalroq, Lionel Messi koronavirus yuqtirib olgani haqida xabar berilgandi.

 

Jamshidbek Amirov