O‘zbekiston-Qirg‘iziston taraqqiyot fondi ochildi
Uning ustav kapitali 50 million dollarni tashkil etadi.
Bishkekda O‘zbekiston-Qirg‘iziston taraqqiyot fondi faoliyatiga start berildi. Bu haqda “Dunyo” axborot agentligi xabar berdi.
Ochilish marosimida O‘zbekiston Respublikasi Bosh vaziri o‘rinbosari – investitsiyalar va tashqi savdo vaziri Sardor Umrzoqov hamda Qirg‘iziston hukumati rahbari Akilbek Japarov qatnashgan.
Japarov ushbu tadbir ikki tomonlama munosabatlar rivojining yaqqol namunasi ekanini taʼkidlagan.
“O‘zbekiston Qirg‘izistonning asosiy savdo-iqtisodiy hamkorlaridan biri. Ammo imkoniyatlardan hali to‘la foydalanilmagan”, – degan u.
Taraqqiyot fondi O‘zbekiston va Qirg‘iziston iqtisodiy hamkorligini chuqurlashtirish maqsadida tuzilgan. Uning shtab-kvartirasi Bishkekda joylashgan. U quyidagi tarmoqlarni moliyalashtiradi:
- Agrosanoat kompleksi;
- Tekstil sanoati;
- Tog‘-kon va metallurgiya;
- Transport;
- Qayta ishlash sanoati;
- Qurilish;
- Savdo;
- Tadbirkorlikni rivojlantirish;
- Energetika;
- Infratuzilmani rivojlantirish;
- Turizm.
Fondning ustav kapitali 50 million AQSH dollarini tashkil etadi.
