Modrich Qatar klubiga o‘tishi mumkin
Futbolchining “Real” bilan shartnomasi mavsum oxirida yakuniga yetadi.
“Real Madrid” yulduzi Luka Modrichning amaldagi shartnomasi iyun oyida yakunlanadi. Garchi klub rahbariyati unga yana bir yillik bitim berishi haqidagi xabarlar ancha oldin chiqqan bo‘lsa-da, amalda bu borada siljish bo‘lgani yo‘q.
Shu sabali “Oltin to‘p” sohibiga boshqa klublardan taklif bo‘la boshladi. Ispaniyalik jurnalist Serxio Santosning maʼlum qilishicha, nomi sir tutilayotgan Qatar klublaridan biri xorvatiyalik yulduzga jiddiy qiziqish bildirmoqda.
Shuningdek, “Yuventus” rahbariyati sport formasini yuqori darajada ushlab turgan 36 yoshli o‘yinchini A Seriyaga taklif etmoqchi.
Eslatib o‘tamiz, Modrich joriy mavsumda 37 o‘yinda maydongan tushib, uchta gol urdi va to‘qqizta golli uzatmani amalga oshirdi.
Avvalroq, Mbappening onasi Madriddan uy qidirayotgani haqida xabar berilgandi.
Jamshidbek Amirov
