O‘zbekiston navbatdagi xalqaro shartnomaga qo‘shildi
Bu sudlar faoliyati bilan bog‘liq.
O‘zbekistonda MDH ishtirokchi-davlatlarining oliy (yuqori) sudalari raislari Kengashini tashkil etish to‘g‘risida bitim tasdiqlandi. Bu to‘g‘risida Prezident Qarori eʼlon qilindi.
Unda qayd etilishicha, bu bitim MDH ishtirokchi-davlatlarining Davlat rahbarlari kengashi yig‘ilishida imzolangan. Qarorga ko‘ra, O‘zbekiston Respublikasi Oliy sudi mazkur xalqaro shartnomani amalga oshirish yuzasidan masʼul vakolatli organ etib belgilangan.
Qaror ijrosi nazorati O‘zbekiston Respublikasi Prezidenti huzuridagi xavfsizlik kengashi kotibi V.Mahmudov va Oliy sud raisi K.Komilov zimmasiga yuklatilgan.
Avvalroq Prezidentning «Nogironligi bo‘lgan shaxslarni hamda aholining ijtimoiy himoyaga muhtoj qatlamlarini qo‘llab-quvvatlashning qo‘shimcha chora-tadbirlari to‘g‘risida»gi farmoni qabul qilingandi.
