“Pereval”da yuk mashinasi beton to‘siqqa urilib, ag‘darilib ketdi
Baxtsiz hodisa oqibatida haydovchi vafot etdi.
15-aprel kuni Toshkent viloyatidan o’tgan M-39 Guliston-Bo‘ka-Angren-Qo‘qon va Andijon orqali – O‘sh” avtomobil' yo‘lining 196 kmda CHAKMAN rusumli yuk mashinasi yo‘l transport hodisasiga uchradi.
Qirg‘iziston Respublikasiga qarashli “Toshkent–Vodiy” yo‘nalishida harakatlangan, mashina haydovchisi boshqaruvni yo‘qotishi oqibatida yo‘l o‘rtasidagi beton to‘siqqa urilib, qarama-qarshi yo‘nalishning bir qismiga yonboshlab qolgan va yo‘lning harakat qismini to‘sib qo‘ygan.
Voqea joyiga zudlik bilan "Qamchiq" MQYoQB qutqaruvchilari, YPX va "Qamchiqavtoyo‘l" IYFUK xodimlari yetib kelishgan.
Avtomashina sisternasida propan suyultirilgan gaz bo‘lgan, haydovchi voqea joyida vafot etgan.
Eslatib o‘tamiz, avvalroq Jomboyda yuk mashinasi "Matiz" bilan to'qnashgani ma’lum qilingandi.
