Qoraqalpog‘istonlik fuqaro farg‘onalik shaxsning plastigidan pul o‘g‘irladi
Hozirda firibgarga nisbatan jinoyat ishi ochilgan.
Plastik kartadagi pullarni yashirin ravishda yechib olgan shaxsga jinoyat ishi qo‘zg‘atildi, deya xabar bermoqda UzA axborot agentligi.
Qayd etilishicha, noma’lum shaxs Farg‘ona viloyati Yozyovon tumani “Qoratepa” mahallasida yashovchi fuqaroga telefon qilib, uning ishonchiga kiradi. Shundan so‘ng unga tegishli plastik karta hisobida bo‘lgan 6 million 60 ming so‘m pullarni firibgarlik yo‘li bilan yechib oladi.
Hozirda mazkur holat yuzasidan Yozyovon tumani IIB huzuridagi tergov bo‘linmasi tomonidan Jinoyat Kodeksining 168-moddasi 2-qismi “v” bandi bilan jinoyat ishi qo‘zg‘atilgan.
Olib borilgan tergovga qadar tekshiruv harakatlari davomida ushbu jinoyatni Qoraqalpog‘iston Respublikasi To‘rtko‘l tumanida yashovchi shaxs sodir etganligi aniqlanib, daliliy ashyo bilan ushlangan.
