Dildora Niyozova san’atni tark etdi
Xonandaning turmush o‘rtog‘i buning sababini ochiqladi.
Xonanda Dildora Niyozova san’atni butunlay tark etdi. Bu haqda uning turmush o‘rtog‘i Instagram orqali ma’lum qildi.
Uning so‘zlariga ko‘ra, Niyozova haqiqatan ham Islom yo‘lini tanlagani uchun to‘ylarga chiqmaslikka qaror qilgan. Endi xonanda uyda farzand tarbiyasi bilan mashg‘ul bo‘ladi.
“Bugundan boshlab Dildora Niyozova haqiqatdan ham islom yo‘lini tanlagani uchun to‘ylarga chiqmaslikka qaror qildi. Iltimos, kimda kim biz bilan bog‘lanib to‘y kunini belgilagan bo‘lsa, aloqaga chiqsin. Pullarni qaytarib berishga majburmiz. Dildora Niyozova endi to‘yga chiqmaydi. Uyda bola-chaqa tarbiyasi bilan shug‘ullanishga qaror qildi”, — deydi xonandaning turmush o‘rtog‘i.
Eslatib o‘tamiz, avvalroq O‘zbekiston xalq artisti Yulduz Usmonova 1 yil muddatga mamlakatni tark etmoqchi ekanini ma’lum qilgandi.
