Erik ten Xag Ronalduning o‘yiniga qoyil qoldi
Murabbiy futbolchining "Manchester Yunayted"da qolishini istamoqda.
"Manchester Yunayted"ning bo‘lajak bosh murabbiyi Erik ten Xag hujumchi Krishtianu Ronalduning joriy mavsum yakunlanganidan keyin jamoada qolishini istamoqda. Bu haqda “The Sun” nashri xabar berdi.
Manbaga ko‘ra, gollandiyalik mutaxassis Angliya premyer-ligasining so‘nggi turida “Brentford”ga qarshi bahsda Ronalduning o‘yiniga juda qoyil qolgan va Krishtianu kabi muhim futbolchini yo‘qotish nomaqbul deb hisoblaydi.
Ronaldu joriy mavsumda APLda 29 ta o‘yinda maydonga tushib, 18 ta gol urdi va 3 ta golga assistentlik qildi. Shuningdek, hujumchi UEFA Chempionlar ligasining 7 ta o‘yinida 6 ta gol urishga muvaffaq bo‘ldi.
Eslatib o‘tamiz, Erik ten Xag mavsum yakunida "Manchester Yunayted"ni qabul qilib oladi.
Avvalroq, xalqaro tashkilot Ronaldu bilan hamkorlikni to‘xtatgani haqida xabar berilgandi.
Jamshidbek Amirov
