Navoiyda yo‘lovchilari bor avtobus ag‘darilib ketdi
Voqea yuzasidan YHXBB maʼlumot berdi.
Ijtimoiy tarmoqlarda tarqalgan Qiziltepada yo‘lovchi tashuvchi Avtobus ag‘darilib ketgani yuzasidan rasmiy maʼlumot berildi.
Mazkur voqea 2022 yil 3 may kuni soat 10:00 larda, Navoiy viloyati, Qiziltepa tumani hududidan o‘tuvchi 4R-65 avtomobil yo‘lining 23-24-kilometrlari oralig‘ida haydovchi, 1973 yilda tug‘ilgan K.O‘. “Yutong” rusumli avtobusda harakatlanayotib, ehtiyotsizligi oqibatida rul boshqaruvini yo‘qotgan va avtobus yo‘l chetiga ag‘darilgan.
Maʼlum qilinishicha, YTH natijasida 5 nafar yo‘lovchilar tan jarohati bilan shifoxonaga yotqizilgan.
Hozirda Navoiy viloyati IIB huzuridagi TB tomonidan O‘zbekiston Respublikasi Jinoyat Kodeksining 266-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
