O‘zbekiston TIV Hindistonga tashrif buyuradi
2022-yil 11-may Dehli shahrida ikki davlat Tashqi ishlar vazirliklari o‘rtasida siyosiy maslahatlashuvlarning 15-davrasi bo‘lib o‘tadi.
Tashqi ishlar vazirligini rasmiy sahifasi xabar berishicha,O‘zbekiston delegatsiyasi tashqi ishlar vaziri o‘rinbosari boshchiligida Hiindistonga boradi.
Tashrif davomida davlatlar do‘stlik va strategik sheriklik munosabatlarini yanada mustahkamlash, siyosiy, savdo-iqtisodiy, investitsiyaviy, madaniy-gumanitar va boshqa sohalarda ko‘p qirrali hamkorlikni kengaytirishga oid dolzarb masalalar ko’rib chiqiladi.
Oliy darajada avval erishilgan kelishuvlar ijrosini ta’minlash, shuningdek, savdo, sanoat kooperatsiyasi, «yashil» taraqqiyot, innovatsion va raqamli texnologiyalar, transport-logistika, madaniy-gumanitar almashinuv sohalarida amaliy hamkorlikni rivojlantirishga alohida e’tibor qaratiladi.
Shuningdek, hududlararo o‘zaro hamkorlikni rivojlantirish istiqbollarini ham muhokama qilinadi.
