Konstitutsiyaga o‘zgartirish va qo‘shimchalar kiritish jarayonini boshlash taklifi berildi
O‘zLiDeP fraksiyasining muhim masalaga bag‘ishlangan yig‘ilishi bo‘lib o‘tdi
Bugun Qonunchilik palatasida O‘zbekiston Liberal-demokratik partiyasi fraksiyasining muhim masalaga bag‘ishlangan yig‘ilishi bo‘lib o‘tdi.Bu haqda partiyaning rasmiy sahifasi xabar berdi.
Yig‘ilishda O‘zbekiston Respublikasi Prezidentining lavozimga kirishish marosimidagi nutqi va Konstitutsiya kuniga bag‘ishlangan bayram tabrigida konstitutsiyaviy islohotlarni amalga oshirish zarurati borasida ilgari surilgan fikrlari, bu borada belgilangan eng ustuvor yo‘nalishlar alohida taʼkidlab o‘tildi.
Yangi O‘zbekiston taraqqiyot strategiyasi doirasidagi islohatlarning huquqiy asosni taʼminlovchi Konstitutsiyaviy makonni yana-da takomillashtirish ehtiyojini kun tartibiga ko‘yilmoqda.
Bu borada fraksiya aʼzolari Konstitutsiyaning jamiyat hayotidagi o‘rni va ahamiyatiga alohida to‘xtalib, Yangi O‘zbekiston taraqqiyot strategiyasi uchun yana-da mustahqam huquqiy poydevor yaratish bo‘yicha o‘zlarining aniq pozitsiyalarini bildirdi.
