Tibbiyot xodimlarining ish haqi ikki marta oshiriladimi?
SSV xodimi holatga oydinlik kiritdi.
Yaqinda tibbiyot xodimlari ish haqlari 10-15 foizgacha oshgan edi. Ish haqlarini oshirish to‘g‘risidagi Prezident farmoni bilan ularning oyligi yana oshirilishi haqida vazirlik xodimi maʼlum qildi.
2022-yil 17-maydagi "Tibbiyot muassasalari xodimlarini moddiy qo‘llab-quvvatlash hamda rag‘batlantirishni kuchaytirish chora-tadbirlari to‘g‘risida”gi Prezident farmoni asosida tibbiyot xodimlarining oyligi 10-15 foizga oshirilishi belgilangan.
"So‘ngra kecha, 20-may kuni qabul qilingan ish haqlarini oshirish haqidagi Prezident farmoni asosida barcha xodimlar qatorida tibbiyot mutaxassislarining maoshi ham yana 12 foizga oshiriladi.Yuqoridagi ikkala farmon ham 1 iyundan boshlab kuchga kiradi.Masalan, 3 mln so‘m oylik oladigan tibbiyot xodimining oyligi dastlab 15 foizga oshadi deylik, shunda 3 mln 450 ming so‘m bo‘ladi. Keyin yana 12 foiz oshadi va jami 3 mln. 864 ming so‘m bo‘ladi", – dedi sog‘liqni saqlash vaziri o‘rinbosari Otabek Fozilkarimov.
