DTM diagnostik test xizmatini to‘xtatadi
Bu OTMga kirish imtihonlariga oz vaqt qolgani bilan izohlandi.
Ertaga, 30-may kuni soat 10.00 da my.dtm.uz sayti orqali diagnostik test materiallariga buyurtmalarni qabul qilish yakunlanadi. Bu haqda Davlat test markazi rasmiy kanalida ma’lum qilindi.
Qayd etilishicha, test sinovlariga qisqa vaqt qolgani sababli Davlat test markazi ish faoliyatidan kelib chiqqan holda diagnostik test xizmatini to‘xtatish zarurati yuzaga kelgan.
Bunda e-DTM tizimi ishlashda davom etadi va talabgorlar @e_dtm_bot telegram boti orqali test materiallariga onlayn buyurtma berishlari mumkin bo‘ladi.
Eslatib o‘tamiz, DTM tomonidan joriy yil boshida oliy ta’lim muassasalarining bakalavriat ta’lim yo‘nalishlariga kirish test sinovlari formatidagi diagnostik test xizmati yo‘lga qo‘yilgan edi. Mazkur xizmat doirasida talabgorlarning bilimi sinovdan o‘tkaziladi va ular test materiallari bilan ishlash ko‘nikmasiga ega bo‘ladi.
