O‘zbekiston oliygohlari xalqaro reytingdan joy olishi mumkin
10 ta OTM Osiyo reytingiga kirish uchun “da’vogar” maqomini oldi.
Buyuk Britaniyaning nufuzli reyting tashkiloti – Times Higher Education Asia University Rankings – 2022 (Osiyo universitetlar reytingi – 2022) reyting natijalarini e’lon qildi. Bu haqda Oliy va o‘rta maxsus ta’li vazirligi axborot xizmati xabar berdi.
Ushbu reyting dunyo bo‘yicha har yili Osiyo davlatlaridagi universitetlarni tadqiqot, ta’lim sifati, xalqaro xilmaxillik, iqtiboslik va sanoat daromadi (bilimlar almashish) bo‘yicha baholaydi.
Ro‘yxatdan o‘rin egallagan 10 ta oliy ta’lim muassasasi “THE”ning nufuzli reytinglariga kirish uchun nomzod sifatida tan olinib, mazkur yo‘nalishda reyting agentligi ularga yaqindan yordam beradi.
“Reporter” maqomini olgan universtetlar quyidagilar:
— O‘zbekiston Milliy universiteti;
— Toshkent davlat yuridik universiteti;
— Toshkent pediatriya tibbiyot instituti;
— Toshkent shahridagi Turin politexnika universiteti;
— Urganch davlat universiteti;
— “Toshkent irrigatsiya va qishloq xo‘jaligini mexanizasiyalash muhandislari instituti” MTU;
— Toshkent tibbiyot akademiyasi;
— Toshkent davlat iqtisodiyot universiteti;
— Toshkent farmasevtika instituti.
Ma’lumot o‘rnida, joriy yil ushbu reytingda 829 ta universitet qayd etilib, ular orasida 625 ta o‘rin va 200 dan ortiq universitetlar “reporter”, ya’ni da’vogar universitetlar nominatsiyasiga ega bo‘lishdi.
