Toshkentda 21 yoshli haydovchi avtohalokatda vafot etdi
Shahar IIBB hodisa tafsilotlarini ma’lum qildi.
Toshent viloyati Mirzo Ulug‘bek tumanida 4 iyun kuni Laсetti yo‘l-transport hodisasiga uchradi. Holat yuzasidan shahar IIBB ma’lumot berdi.
Xabar qilinishicha, shu kuni soat 00:25 atrofida 21 yoshli haydovchi S. N. o‘zining Lasetti rusumli avtomashinasida Mirzo Ulug‘bek tumani Oqqo‘rg‘on ko‘chasi bo‘ylab harakatlanayotib, boshqaruvni yo‘qotgan va yo‘lni o‘rtasidagi yoritish ustuniga urilgan.
Hodisa oqibatida haydovchi S. N. tan jarohati olib, shifoxonaga yotqizilgan. Tibbiyot xodimlarining urinishlariga qaramay, u jonlantirish bo‘limida vafot etgan.
Mazkur holat yuzasidan Toshkent shahar IIBB tomonidan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
