Bu yilgi test sinovlari ham stadionlar va xiyobonlarda o‘tkaziladi
Hozirda joylarni tayyorlash ishlari ketmoqda.
Oliy ta’lim muassasalariga kirish uchun test sinovlari bu yil ham ochiq maydonlar (stadion va xiyobonlar)da o‘tkaziladi. Bu haqda DTM direktorining o‘rinbosari Sardor Rajabov ma’lum qildi.
“Joriy yil test sinovlari xuddi 2020 va 2021 yillarda bo‘lgani kabi katta sig‘imli ochiq maydonlarda o‘tkaziladi”,—deyiladi xabarda.
Buning uchun test sinovi o‘tkaziladigan joylar tanlanib, reja-chizmalari tayyorlangan. Hozirda joylarni tayyorlash ishlari ketmoqda.
