Bu yilgi testda abituriyetlarga matematik formulalar ham tarqatiladi
Avvalgi yillarda Mendeleyev davriy jadvali tarqatish yo‘lga qo‘yilgandi.
Joriy yilgi testda abituriyentlarga savollarni ishlashga yordam tariqasida matematik formulalar ham tarqatiladi. Bu haqda huquqshunos Xushnudbek Xudoyberdiyev telegram kanalida bo‘lib o‘tgan ovozli chatda DTM direktorining o‘rinbosari Sardor Rajabov ma’lum qildi.
Uning xabar berishicha, joriy yilda ilk marta abituriyentlarga savollar kitobi bilan birga eng asosiy matematik formulalar ham tarqatiladi. Ya’ni endi bu kabi formulalarni shpargalka qilib yoki yashirincha olib kirish shart bo‘lmaydi. Abituriyentlar tarqatilgan formulalardan bemalol foydalanib, test savollariga javob topishlari mumkin bo‘ladi.
Avvalgi yillarda kimyo fanidan topshirayotganlarga Mendeleyev davriy jadvali, fizikadan topshirayotganlarga esa fizik kattaliklar ro‘yxatini tarqatish yo‘lga qo‘yilgandi.
