Abituriyentlarni onlayn ro‘yxatga olish muddatlari uzaytirildi
Ushbu jarayon 27-iyulgacha davom etadi.
2022/2023-o‘quv yili qabulida abituriyentlarni onlayn ro‘yxatga olish muddatlari uzaytirildi. Bu haqda “Huquqiy axborot” telegram kanalida xabar qilindi.
Qayd etilishicha, abituriyentlarni onlayn ro‘yxatga olish 2022-yil 27-iyulgacha (27-iyul kuni ham) davom etadi. Chet tilidan kasbiy (ijodiy) imtihon o‘tkaziladigan bakalavriat ta’lim yo‘nalishlariga esa abituriyentlar 17-iyulgacha (17-iyul kuni ham) ro‘yxatga olinadi.
Mazkur muddat davomida abituriyentlar o‘z ma’lumotlarini o‘zgartirishlari hamda chet tilidan milliy yoki xalqaro sertifikatga ega bo‘ladigan bo‘lsa, sertifikat ma’lumotlarini tizimga kiritishlari mumkin. Ro‘yxatga olish DTMning rasmiy veb-sayti hamda Yagona interaktiv davlat xizmatlari portali orqali onlayn amalga oshiriladi.
Eslatib o‘tamiz, abituriyentlar fanlar majmuasi hamda ketma-ketligi bir xil bo‘lgan 5 tagacha bakalavriat ta’lim yo‘nalishi bo‘yicha tanlovda ishtirok etishi mumkin.
