Davlat grantida o‘qigan talabalarning 3 yil ishlab berish majburiyati bekor qilinadimi?
Vazirlik ijtimoiy tarmoqda tarqalgan xabarlar yuzasidan izoh berdi.
Bugun ijtimoiy tarmoqlarda davlat grantida tahsil olgan talabalar uchun mutaxassisligi bo‘yicha kamida uch yil ishlab berish majburiyatini bekor qilish masalasi ko‘rib chiqilayotgani haqida xabar tarqaldi.
Holat yuzasidan Oliy va o‘rta maxsus ta’lim vazirligi axborot xizmati izoh berib, tarqalgan xabarlar asossiz ekanini va mas’ullarning bundan bexabarligini ma’lum qilgan.
Eslatib o‘tamiz, 2005/2006-o‘quv yilidan boshlab O‘zbekistondagi barcha ta’lim yo‘nalishlari bo‘yicha davlat grantlari asosida tahsil olgan oliy ta’lim muassasalari bitiruvchilarini majburiy tartibda kamida uch yil ishlab berish sharti bilan ta’lim muassasalariga, korxona va tashkilotlarga ishga taqsimlash amaliyoti joriy etilgan.
