OTMga kirish imtihonlari qachon boshlanishi ma’lum qilindi
Imtihon jarayonlari 10 kundan 13 kungacha davom etadi.
Vazirlar Mahkamasi huzuridagi Davlat test markazi OTMga kirish imtihonlari qachondan boshlanishini ma’lum qildi.
Unga ko‘ra, 2022/2023-o‘quv yili uchun oliy ta’lim muassasalariga kirish test sinovlari 2022-yil 8-avgust kunidan boshlanadi. Imtihonlar stadion va xiyobonlarda o‘tkaziladi.
Test sinovlari kuniga ikki smenada, ya’ni 1-smenаda 07:00 dan 10:00 ga qadar, 2-smena 19:00 dan 22:00 ga qadar bo‘lib o‘tadi. Test sinovlari hududlardagi abituriyentlar soni va test sinovlari o‘tkaziladigan maydonlar sig‘imidan kelib chiqqan holda 10 kundan 13 kungacha davom etadi va 20-avgust kuni yakunlanadi.
Test sinovida ishtirok etish uchun “Abituriyent ruxsatnomasi”ni berish 4-avgust kunidan boshlanadi.
