O‘zbekiston qo‘shni davlatlar bilan hamkorlikni kengaytiradi
Prezident bu bo‘yicha yangi loyihalar bilan tanishdi.
Prezident Shavkat Mirziyoyev 8-avgust kuni Markaziy Osiyo davlatlari bilan hamkorlikni kengaytirish masalalari bo‘yicha yig‘ilish o‘tkazdi. Bu haqda Prezident matbuot xizmati xabar berdi.
O‘zbekistoning Markaziy Osiyo davlatlari bilan do‘stona va o‘zaro manfaatli aloqalari izchil rivojlanib bormoqda. So‘nggi besh yilda ular bilan tashqi savdo hajmi 2,5 barobarga ko‘payib, 6 milliard dollardan oshgan. Mamlakatda qo‘shni davlatlar kapitali ishtirokida 1 ming 700 ta qo‘shma korxona ochilgan.
Yig‘ilishda Markaziy Osiyo davlatlari bilan iqtisodiy hamkorlikni kengaytirishga oid yangi loyiha va takliflar ko‘rib chiqildi.
O‘zbekistonda kichik biznesni yanada rivojlantirish maqsadida hududlarning investision jozibadorligi milliy reytingini ishlab chiqish tizimi ham muxokama qilindi.
Davlat rahbari ko‘rib chiqilgan masalalar bo‘yicha aniq topshiriqlar berdi.
