Shavkat Mirziyoyev Pokiston rahbariga tabrik yoʻlladi
Prezident oʻz maktubida Pokiston xalqiga tinchlik-osoyishtalik, bardavom ravnaq va farovonlik tilagan.
Bugun, 14-avgust kuni Oʻzbekiston Respublikasi Prezidenti Shavkat Mirziyoyev Pokiston Islom Respublikasi Prezidenti Orif Alviy va Bosh vaziri Shahboz Sharifga ushbu mamlakat mustaqilligining 75 yilligi munosabati bilan tabriknomalar yoʻlladi.
Ularda, jumladan, Oʻzbekiston Pokiston bilan strategik sheriklik tamoyillariga asoslangan doʻstlik va koʻp qirrali hamkorlik munosabatlarining bugungi darajasini gʻoyat qadrlashi va bu boradagi ulkan salohiyatni yanada roʻyobga chiqarishdan manfaatdorligi qayd etilgan.
Davlat rahbari doʻst Pokiston xalqiga tinchlik-osoyishtalik, bardavom ravnaq va farovonlik tilagan.
