Attestatsiyada qatnashmagan pedagoglarning malaka toifasi yo‘qotildimi?
Holat yuzasidan XTV izoh berdi.
Ijtimoiy tarmoqlarda 15 yildan ortiq mehnat stajiga ega oliy toifali pedagoglarning attestatsiya jarayonlarida ishtirok etmaganligi natijasida mavjud malaka toifasini yo‘qotganligiga doir noto‘g‘ri talqinlar tarqalmoqda. Holat yuzasidan xalq ta’limi vaziri Baxtiyor Saidov tushuntirish berdi.
Ta’kidlanishicha, joriy yil mart-may oylarida malaka toifasi olish uchun o‘tkazilgan attestatsiya davrida amalda bo‘lgan tartibga asosan, 15 yillik uzluksiz ish stajiga ega bo‘lgan oliy malaka toifaga ega pedagoglarning attestatsiyadan o‘tishi majburiy bo‘lmagan va ularning oliy toifa malakasi umrbod saqlab qolinadi.
“Ushbu toifadagi pedagog xodimlarimizning oylik ish haqlari oliy malaka toifaga tegishli lavozim okladidan to‘lanadi”, — deyiladi xabarda.
