Shavkat Mirziyoyev Rossiya rahbari bilan telefonlashdi
Putin O‘zbekiston rahbariga Samarqandda bo‘lib o‘tgan SHHT sammitini a’lo darajada tashkil etgani uchun minnatdorlik bildirdi.
Bugun, 17-sentabr kuni O‘zbekiston Prezidenti Shavkat Mirziyoyev Rossiya Prezidenti Vladimir Putin bilan telefon orqali muloqot qildi. Bu haqda Kreml matbuot xizmati xabar bermoqda.
Muloqot chog‘ida Vladimir Putin O‘zbekiston Respublikasi Prezidenti Shavkat Mirziyoyevga mehmondo‘stligi va Samarqandda bo‘lib o‘tgan SHHT sammitini a’lo darajada tashkil etgani uchun minnatdorlik bildirdi.
Ikki tomonlama kun tartibidagi, jumladan, savdo-iqtisodiy sohadagi ayrim dolzarb masalalar muhokama qilindi. Rossiya-O‘zbekiston strategik sheriklik va ittifoqchilik munosabatlarini yanada mustahkamlash borasidagi o‘zaro hamkorlik tasdiqlandi. Rossiya tomoni O‘zbekiston rahbariyatining Qoraqalpog‘istondagi vaziyatni barqarorlashtirish borasidagi sa’y-harakatlarini qo‘llab-quvvatlashini bildirdi.
Shuningdek, bo‘lajak muloqotlar jadvali ham ko‘rib chiqilgan.
