Dunyoda har 2 soniyada 1 kishi yuqumli bo‘lmagan kasalliklardan vafot etmoqda — JSST
Jahon sog‘liqni saqlash tashkiloti rahbari sog‘liqni saqlash tuzilmalari rahbarlarini shoshilinch choralar ko‘rishga chaqirdi.
Jahon sog‘liqni saqlash tashkilotining navbatdagi hisoboti eʼlon qilindi.
JSST tomonidan 2030 yilgacha yuqumli bo‘lmagan kasalliklardan erta o‘lim ko‘rsatkichlarini uchdan bir qismga qisqartirishga qaratilgan Barqaror rivojlanish maqsadlari qabul qilingan bo‘lsa-da, infarkt, insult, saraton, qandli diabet kabi noinfeksion xastaliklar yiliga 41 million nafar kishining hayotiga zomin bo‘lmoqda. Bu, dunyoda kasalliklar oqibatida qayd etilayotgan o‘lim holatlarining deyarli to‘rtdan uch qismiga teng.
Shundan kelib chiqib, tashkilot rahbari Tedros Gebreyesus mamlakatlar sog‘liqni saqlash tuzilmalari rahbarlarini mazkur kasalliklarga qarshi kurashish borasida shoshilinch choralar ko‘rishga chaqirdi.
Ammo hozir sanoqli mamlakatlargina ushbu hujjatda belgilangan maqsadlar ro‘yobiga erishish uchun astoydil intilmoqda, xolos.
