Miyadan maksimum foydalanishning sirlari
Muvaffaqiyat miyada boshlanadi. Agar siz omadli bo‘lishni xohlasangiz, o‘zingizni xuddi shunday tasavvur qiling.
Insoniyat haligacha tushunib yeta olmagan katta bir sir mavjud. Bilasizmi, u nima? Bu miyamizning qay tarzda ishlashi haqida. Xudo insonni shu darajada mukammal qilib yaratdiki, u har bir ishga qodir. Faqat xohish bo‘lsa yetarli. Ammo odamzod buni haligacha bilmaydi, tushunmaydi. Atrofimizda juda ko‘p o‘z xotirasidan noliydigan insonlarni uchratamiz. Bu kabi insonlar aynan shu sirni, butun dunyo olimlarini hayratda qoldirgan sirni bilishmaydi, afsus. Xo‘sh, u qanaqa sir ekan deysizmi? Bu - oddiy. Miya bizni emas, biz miyyani boshqarishimiz kerakligini anglab yetishimizdir. Xotira sustligidan nolib o‘ttirishdan ko‘ra, miyyaga buyruq berishni, undan talab qilishni, uni aldashni hattoki iltimos qilishni bilishimiz kerak. Bo‘lmagan gap дейсизми...? Keling, bir hayotiy misol keltiraman. Ko‘p hollarda soat 2:00gacha dars qilib, ertalab 6:00da turishga majbur bo‘laman. Miyya 4 soatlik uyquga to‘ymasligi tabiiy holat. Lekin men buni bemalol uddalayman. Qanday qilib deysizmi? Men uxlashdan oldin miyyamni aldayman. 4 soatlik uyqu menga bemalol yetadi, aslida ko‘p uxlash katta zarar deyman unga. Yana yakshanba kunlari uni rag‘batlantirishimni ham aytaman. Qarabsizki, ertalab budelnik jiringlashi bilan uyg‘onaman va quvnoq kayfiyatda kunimni davom ettiraman. Ishoning, hattoki kun bo‘yi uyqum ham kelmaydi. Miyam gaplarimga ishonadi. Kasalman demang, sog‘lomman deng. Bilimsizman demang, zo‘rman deng. Miyamiz barchasini eshitib turadi va ishlaringiz ham shunga qarab amalga oshaveradi. Siqilsangiz siqiladi, kulsangiz kuladi. Barchasi o‘z qo‘lingizda. Dunyodagi eng katta kashfiyotlardan biri shuki, inson zoti o‘z hayotini o‘ziga bo‘lgan munosabatlari orqali o‘zgartira oladi. Agar muvaffaqiyatga erishmiqchi bo‘lsangiz, o‘zingizni muvaffaqiyatli deb hisoblang. Miya buni bilishi kerak. Axir unga oldin omadsizligingizni uqtirgansiz. Bir narsani unutmang, agar siz qila olaman yoki qila olmayman deb o‘ylasangiz har ikkisida ham haqsiz.
