Simsiz quloqchinlar va boshqa gadjetlar saratonga olib kelishi mumkinmi?
Turli mamlakatlar tadqiqotchilari simsiz qurilmalar xavfli yoki xavfsiz ekanini aniqlash uchun tajribalar o‘tkazdilar.
2019-yilda internetda simsiz quloqchinlar quloqlarga kirib, miyani “nurlanishi” tufayli saraton kasalligini keltirib chiqaradi, degan xabarlar tarqaldi. Ammo o‘shanda foydalanuvchilar petitsiyaga hozirgidek 250 emas, 200 nafar olim imzo chekkanini aytishgan. Aslida, olimlar simsiz gadjetlarni umuman taqiqlash haqidagi petitsiyaga imzo chekishmagan. Relizda bir guruh olimlar uyali telefonlar va simsiz qurilmalardan ionlashtiruvchi bo‘lmagan nurlanishning odamlar uchun xavfsizligini chuqur o‘rganishga chaqirdilar. Matnda ulardan foydalanishni taqiqlash haqida biror so‘z yo‘qligi aytilmoqda.
Shu bilan birga, xabar qilinganidek, turli mamlakatlar tadqiqotchilari simsiz qurilmalar, xususan, quloqchinlar odamlar uchun xavfli yoki xavfsiz ekanligini aniqlash uchun haqiqatda tajribalar o‘tkazdilar. Amerika Saraton Jamiyati maʼlumotlariga ko‘ra, Bluetooth bilan ishlaydigan simsiz minigarnituralar mobil telefonga qaraganda kamroq radio to‘lqinlarni chiqaradi.
2019-yilda o‘tkazilgan tadqiqot simsiz quloqchinlar chiqaradigan radiatsiya quvvati mobil telefonnikidan 10-400 marta zaif ekanligini isbotladi. AQSH oziq-ovqat va farmatsevtika idorasi veb-saytida 1999-yilda mobil telefonlardan keng foydalanish boshlanganidan beri miya saratoni bilan kasallanish holatlari ko‘paymaganini ko‘rsatadi. Aksincha, bu ko‘rsatkich har yili taxminan 0,2 foizga kamayib bormoqda.
Xulosa qilib aytganda, uyali telefondan foydalanish saraton xavfini oshirmaydi. Yaʼni, ancha zaif radiatsiyaga ega quloqchinlar bu xavfni oshira olmasligi aniq.Ushbu masalani o‘rgangan olimlar saraton va simsiz gadjetlardan foydalanish o‘rtasidagi bog‘liqlikning aniq dalillarini topa olishmadi. Shunday ekan, tarqatilayotgan maʼlumotlar eski feyk maʼlumotlarning takrori bo‘lib, aniqlangan ilmiy faktlarga ziddir.
