Bugundan qonunchilikda nimalar o'zgaradi?
Oʻzbekistonda 1-noyabrdan kuchga kiradigan oʻzgartirishlar maʼlum qilindi.
- Tibbiyot yoʻnalishida taʼlim olayotgan talabalar ishga joylashtiriladi
Shifokorlarga boʻlgan ehtiyojni aniqlagan holda respublikaning barcha hududlarida mavjud vakant lavozimlarga talabalar, magistr va klinik ordinatorlarni ishga joylashtirish choralari ko'riladi.
- Oʻzbekistonda tadbirkorlar faoliyatini tekshirishning yangi tartibi joriy etiladi
Nazorat qiluvchi organlar tomonidan tadbirkorlik subyektlari faoliyatida oʻtkaziladigan barcha tekshiruvlar “Yagona davlat nazorati” axborot tizimida roʻyxatga olinadi.
Bunda, tadbirkorlik subyektlari faoliyatida mazkur tizimda roʻyxatga olinmagan tekshiruvlarni oʻtkazish noqonuniy hisoblanadi.
- Koʻp kvartirali uylarning umumiy mulki hududida qoʻshimcha obyekt qurish taqiqlanadi
Qurilish-montaj ishlari (rekonstruksiyasi) tugallangan koʻp kvartirali uylardan foydalanish uchun ruxsatnoma berilganidan soʻng loyiha hujjatlari, kadastr pasporti va mazkur ruxsatnomaga umumiy mol-mulkni yoki tutash yer uchastkasini kamaytirish va tutash yer uchastkasida qoʻshimcha koʻp kvartirali uy yoki umumiy mol-mulk boʻlmagan obyekt qurish uchun oʻzgartirish kiritish taqiqlanadi.
- Tomorqa yer egalarini kasanachilik bilan band qilgan tadbirkorlarga subsidiya beriladi
Tomorqa yer uchastkalari egalarini kooperatsiya va kasanachilik asosida ish bilan band qilgan tadbirkorlarga Bandlikka koʻmaklashish davlat jamgʻarmasi hisobidan BHMning 20 baravarigacha (6 mln soʻmgacha) miqdorda hokim yordamchilari tavsiyasiga asosan subsidiya ajratiladi.
- Haydovchilar uchun beriladigan tibbiy maʼlumotlarning yagona elektron bazasi shakllantiriladi
Haydovchi va haydovchilikka nomzodlarning avtomototransport vositasini boshqarishga yaroqliligi toʻgʻrisidagi tibbiy maʼlumotlarning yagona elektron bazasi shakllantiriladi va yoʻl harakati xavfsizligi xizmatining avtomatlashtirilgan Yagona axborot tizimiga integratsiya qilinadi.
- Yoshlarga kompyuter sotib olish uchun isteʼmol krediti ajratiladi
IT-park rezidenti boʻlgan tashkilotlarning axborot texnologiyalari sohasida tahsil olayotgan ishtirokchi sertifikatini olgan yoki ushbu oʻquv kurslarini soʻnggi 6 oyda muvaffaqiyatli tamomlagan yoshlarga kompyuter xarid qilish uchun BHMning 25 baravarigacha (7,5 mln soʻmgacha) isteʼmol kreditlari ajratiladi.
- Tadbirkorlik subyektlarining eksport salohiyati kengaytiriladi
Bir eksport shartnomasi doirasida kelib tushmagan valyuta summasi eksportga yuklangan jami mahsulot narxining 5 foizidan oshmagan taqdirda muddati oʻtgan debitor qarzdorlik hisoblanmaydi va tadbirkorga nisbatan jarima qoʻllanilmaydi.
- “Korobka” holatdagi uy-joylar uchun subsidiya ajratishga ruxsat beriladi
Xususiy pudrat tashkilotlari tomonidan tayyor holda topshirish shartisiz qurilgan uylardagi kvartiralarni (xonalarga boʻlingan va pardoz ishlariga tayyor) birlamchi uy-joy bozorida sotib olish uchun ipoteka kreditlarini ajratishga hamda ular boʻyicha va ipoteka krediti boʻyicha foizlarning bir qismini qoplash uchun subsidiya toʻlashga ruxsat beriladi.
- Oʻzini oʻzi band qilgan shaxslar shugʻullanishi mumkin boʻlgan faoliyat turlari kengaytiriladi
Yana 10 ta faoliyat turi oʻzini oʻzi band qilgan shaxslar shugʻullanishi mumkin boʻlgan faoliyat (ishlar, xizmatlar) turlari roʻyxatga kiritiladi.
O'z-o'zini ish bilan ta'minlovchilar uchun kengaytirilgan tadbirlar ro'yxati:
— avtomobil bozorlarida vositachilik xizmatlari;
—rieltorlik xizmatlarini ko'rsatish;
—uyda sut va sut mahsulotlarini qayta ishlash va sotish bo'yicha xizmatlar;
—uy-ro'zg'or buyumlarini ijaraga berish xizmatlari (stol va stullar, idish-tovoqlar, jihozlar va boshqalar);
—gips va ganchdan mahsulotlar ishlab chiqarish (uy-ro'zg'or buyumlari, qahramonlar haykallari);
—tosh va toshdan yasalgan buyumlardan yodgorliklar, suvenirlar va bezak buyumlari ishlab chiqarish;
—to'quv savatlari, non mahsulotlari va boshqa yog'och mahsulotlari uchun maxsus idishlar;
—shaxsiy tomorqalarda uy sharoitida pilla, tut nihollari va ko‘chatlari yetishtirish, shuningdek, uyda ipak gazlama va shoyi gilam to‘qish va sotish;
—kulolchilik.
- Uy-joy sotib olish uchun subsidiyalarni soddalashtirilgan berish
- Nikoh tuzish uchun arizalarni DHM orqali qabul qilish eksperimenti oʻtkaziladi.
Nikoh tuzish va nikohdan ajratishni qayd etish uchun arizalarni Sirdaryo viloyatidagi tuman (shahar) davlat xizmatlari markazlari orqali qabul qilish boʻyicha huquqiy eksperiment oʻtkaziladi.
