Endi 15 yoshga to‘lmagan shaxslar bilan mehnat shartnomasi tuzish mumkin
Bu yangi tahrirdagi kodeksda belgilab qo‘yildi.
O‘zbekistonda mehnat shartnomasini tuzish bilan bog‘liq munosabatlarda o‘zgarish bo‘ladi. Bu haqda yangi tahrirdagi Mehnat kodeksida ko‘rsatib o‘tilgan.
Unga ko‘ra, ishga qabul qilishda yo‘l qo‘yiladigan yoshga aniqlik kiritilmoqda. Endilikda madaniy-tomosha tashkilotlarida, televideniye, radioyeshittirish tashkilotlarida va boshqa ommaviy axborot vositalarida ota-onaning yoki ota-ona o‘rnini bosuvchi shaxsning roziligi hamda vasiylik va homiylik organining ruxsati bilan, sog‘lig‘iga va ma’naviy kamol topishiga ziyon yetkazmasdan asarlarni yaratish va (yoki) ijro etishda (ko‘rgazmaga qo‘yishda) ishtirok etish uchun o‘n besh yoshga to‘lmagan shaxslar bilan mehnat shartnomasini tuzishga ruxsat berilmoqda.
Eslatib o‘tamiz, yangi tahirdagi Mehnat kodeksi 6 oydan so‘ng kuchga kiradi.
