0
O‘zbekistonda 11 ta korxona yopildi
56 nafar mas’ul javobgarlikka tortilishi mumkin.
Osh tuzini yodlash talablariga rioya etmagan 11 ta korxona faoliyati to‘xtatildi. Bu haqda AOKAda o‘tkazilgan brifingda Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Nurmat Otabekov ma’lum qildi.
Ma’lum qilinishicha, 69 ta tekshirishlar davomida laboratoriya tahlillari uchun olingan 178 ta osh tuzi namunalaridan 58 tasi (32,5 foizi) belgilangan me’yorlarga javob bermasligi aniqlanib, 74,8 tonna osh tuzi qayta ishlashga qaratilgan.
Aniqlangan kamchiliklar bo‘yicha 56 nafar javobgar mas’ullarga nisbatan bayonnomalar rasmiylashtirilib, hududiy sudlarga yuborilgan.
