“Bersang – yeyman, ursang – o‘laman” yoxud jamiyat oyog‘iga solingan kishan

Kam ta’minlangan aholini qo‘llab-quvvatlash uchun byudjetdan katta miqdorda pul ajratilmoqda. Ammo yordam olayotgan insonlarning ayrimlari endi “kattaroq, ko‘proq yordam berasan” degan talabni qo‘ymoqda.

“Bersang – yeyman, ursang – o‘laman” yoxud jamiyat oyog‘iga solingan kishan

 

Bugungi kunda mamlakatimizda olib borilgan islohotlar har jabhada o‘z mevasini bermoqda. Ayniqsa, Prezident tomonidan qabul qilinayotgan qaror va farmonlar, avvalo, inson qadrini ulug‘lashga xizmat qilayotgani shubhasiz. Xalq manfaatini ko‘zlab “Temir daftar”, “Ayollar daftari”, “Yoshlar daftari” joriy etildi. Bundan maqsad kam ta’minlangan, ijtimoiy himoyaga muhtoj, boquvchisini yo‘qotgan oilalarni himoya qilish, yoshlarni oliy ta’limga yo‘naltirish, ularni ish bilan ta’minlash orqali kambag‘allikni qisqartirish ko‘zda tutilgan.

 

Biroq bu kabi imkoniyatlarni suiiste’mol qiladiganlar ham oramizda talaygina. Ayrimlar hali ham boqimandalik kayfiyatidan qutula olmay, mahalla biror narsa berarmikan degan umid bilan yashayapti. Kasbim taqozosi bois bir muddat aholi murojaatlari bilan ishlaganman. Shunda kelgan xatlarning yarmidan ko‘pi “menga nimadir yetishmaydi, qilib beringlar, olib beringlar” singari murojaatlar ekaniga guvoh bo‘lganman. Achinarlisi shundaki, murojaat yo‘llagan insonlaring ko‘pchiligi to‘rt muchasi sog‘ odamlar.

 

Davlat tomonidan barcha uchun keng va teng imkoniyatlar yaratib berilgan. Aholining kam ta’minlangan qismini qo‘llab-quvvatlash maqsadida byudjetdan katta miqdordagi mablag‘ ajratilmoqda. Ammo yordam olayotgan insonlarning ayrimlari hayotini ijobiy tomonga o‘zgartirish, yangi bosqichga ko‘tarish o‘rniga endi “kattaroq, ko‘proq yordam berasan” degan talabni qo‘ymoqda.

 

Masalan, ijtimoiy tarmoqlarda “trend”ga chiqqan og‘zini tikkan yigit voqeasini olaylik. Bir necha marotaba qilgan murojaati javobsiz qolgan fuqaro jamiyat e’tiborini o‘ziga qaratish va muammosini hal qilish uchun shunday yo‘l tutgan. Xo‘sh, bu kimga qanday naf beradi?! Yigitning to‘rt muchasi sog‘ ekanligi kundek ravshan.  Nima bo‘lsa ham davlat meni boqishi, ta’minlashi kerak, degan noma’qul da’vo o‘rniga ozgina harakat qilib ish topishi mumkin ediku...Boz ustiga bugun odam izlansa va mehnat qilsa o‘zi istagan kasbda ishlay olishiga yetarli sharoit bor. 


 
Yana shunday holatlarga duch kelamiz: haqiqiy muhtoj, yordam zarur insonlar portal-u qabulxonalarning raqami va manzilini bilmaydi. Shu o‘rinda bir voqea yodimga tushdi. Hamkasbim ikki go‘dagi bilan boquvchisini yo‘qotgan, o‘zi ko‘cha-ko‘yda “baklajka” sotib, farzandlarini boqadigan yoshgina juvon haqida lavha tayyorladi. U ayol juda oriyatli ekanini, hatto televizorga chiqishga ham rozilik bermaganini, uni arang ko‘ndirganini aytdi. Lavhani tomosha qilish jarayonida ayol kameraga bir qur ham nazar tashlamaganiga guvoh bo‘ldik. Buning ortida o‘zi ojiza bo‘lsa ham, g‘ururi baland, hech kimdan hech narsa kutmaydigan va hamma narsaga o‘z mehnati bilan erishadigan INSON siymosi mujassam edi... 

 

Aslida mana shu ayolning xatti-harakatlari o‘zi sog‘lom bo‘la turib, turli xurmacha qiliqlar chiqaradigan, davlat uni boqishi kerakligini bot-bot eslatib turadigan odamlarga dars bo‘lishi joiz. 

 

O‘zbek xalqi azaldan oriyatli. Bizdagi mahalla tizimi, mehr-oqibat tuyg‘usi manaman degan rivojlangan davlatlarda ham ko‘zga tashlanmaydi. Biroq faqatgina davlatdan nimadir kutib yashaydigan odamlar  “Och qolganga baliq emas, qarmoq ber” maqoli mag‘zini chaqib, yaxshiroq fikrlaganlarida allaqachon boqimandalik kayfiyatidan qutulib ketgan bo‘lardi.

 

Go‘zal Abdullayeva

 

Maktablarda sport rivojlantiriladi: olimpiya sport turlari bo‘yicha to‘garaklar ochiladi

Maktablarda sport rivojlantiriladi: olimpiya sport turlari bo‘yicha to‘garaklar ochiladi

2027-yildan sport musobaqalari g‘oliblariga diplom va sertifikatlar elektron shaklda beriladi.

O‘zbekiston va O‘mon yetakchilari oliy davlat mukofotlari bilan taqdirlandi

O‘zbekiston va O‘mon yetakchilari oliy davlat mukofotlari bilan taqdirlandi

Shavkat Mirziyoyev Sultonlikning oliy davlat mukofoti – “Ol Said” ordeni bilan taqdirlandi.

AQSh Yaqin Sharqqa yana bir aviatashuvchi kemasini yubordi: Arabiston dengizida 3 ta aviatashuvchi jamlandi

AQSh Yaqin Sharqqa yana bir aviatashuvchi kemasini yubordi: Arabiston dengizida 3 ta aviatashuvchi jamlandi

Mintaqadagi harbiy-dengiz kuchlari tarkibiga 13 ta esmines va ikkita kreyser ham kiradi.

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

Prezident Shavkat Mirziyoyev va Sulton Haysam bin Toriq Ol Said uchrashuv o‘tkazdi

O‘zbekiston va O‘mon o‘rtasidagi munosabatlar keyingi yillarda faol rivojlanayotgani qayd etildi.

Trampning Xitoyga safari: Kim Chen In bilan uchrashuv o‘tkazilishi mumkin

Trampning Xitoyga safari: Kim Chen In bilan uchrashuv o‘tkazilishi mumkin

Tramp 2017–2021-yillardagi prezidentlik muddati davomida Kim Chen In bilan bir necha bor uchrashgan.

Chilonzorda Nexia-3 daraxtga urildi: uch kishi halok bo‘ldi

Chilonzorda Nexia-3 daraxtga urildi: uch kishi halok bo‘ldi

YTHga avtomobil rul boshqaruvida yuzaga kelgan texnik nosozlik sabab bo‘lgan.

Prezident Shavkat Mirziyoyev davlat tashrifi bilan O‘monga bordi

Prezident Shavkat Mirziyoyev davlat tashrifi bilan O‘monga bordi

Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.

Umra ziyorati ortidan muammo: 100 dan ortiq qirg‘izistonlik Toshkentda qolib ketdi

Umra ziyorati ortidan muammo: 100 dan ortiq qirg‘izistonlik Toshkentda qolib ketdi

Ularning manziliga yetib borishi uchun har biridan qo‘shimcha 400 dollar talab qilingani aytilmoqda.