O‘zbekiston TIV rahbariga o‘rinbosarlar tayinlandi
Bu bo‘yicha vazirlik Hay’atining kengaytirilgan yig‘ilishi bo‘lib o‘tgan.
Kecha, 14-noyabr kuni O‘zbekiston Respublikasi Prezidenti Administrasiyasi rahbari Sardor Umurzoqov ishtirokida Tashqi ishlar vazirligi Hay’atining kengaytirilgan yig‘ilishi bo‘lib o‘tdi. Bu haqda vazirlik matbuot xizmati xabar qildi.
Majlisda O‘zbekiston Respublikasi Prezidenti Administrasiyasi rahbari O‘zbekiston Respublikasi Prezidenti qarori qarori bilan Tashqi ishlar vazirining birinchi o‘rinbosari lavozimiga tayinlangan Furqat Sidiqovni tanishtirgan. F.Sidiqov bungacha O‘zbekiston Respublikasi Tashqi ishlar vaziri o‘rinbosari lavozimida ishlab kelgan.
Shuningdek, yig‘ilishda Prezident qaroriga muvofiq O‘zbekiston Respublikasi tashqi ishlar vazirining o‘rinbosari etib tayinlangan Bahrom A’loyev ham tanishtirilgan. B.A’loyev bungacha O‘zbekiston Respublikasining Kuvaytdagi Favqulodda va Muxtor Elchisi lavozimida ishlagan.
